Vijay Devarakonda couple creates record
నిన్నటివరకూ తమ వివాహ వేడుక ఫోటోలతో సోషల్ మీడియాను ఊపేసిన విజయ్ దేవరకొండ, రష్మిక మందన్న.. ఇప్పుడు తమ కొత్త సినిమా ‘రణబాలి’ (Ranabaali) అప్డేట్స్తో మరోసారి హాట్ టాపిక్గా మారారు. రాహుల్ సంకృత్యాన్ దర్శకత్వంలో తెరకెక్కుతున్న ఈ భారీ చిత్రంలో విజయ్ టైటిల్ రోల్ పోషిస్తుండగా, రష్మిక కథానాయికగా నటిస్తోంది.
‘ఎందయ్యసామీ’ గ్లింప్స్ విడుదల
తాజాగా ఈ చిత్ర యూనిట్ విజయ్-రష్మికలకు సంబంధించిన ఒక ప్రత్యేక వీడియోను పంచుకుంది. చిత్రంలోని ‘ఎందయ్యసామీ..’ అనే వెడ్డింగ్ సాంగ్కు సంబంధించిన గ్లింప్స్ను విడుదల చేస్తూ ఈ కొత్త జంటకు శుభాకాంక్షలు తెలిపారు. ఈ పాటలో వీరిద్దరి కెమిస్ట్రీ చూస్తుంటే వెండితెరపై మరోసారి మ్యాజిక్ రిపీట్ అవ్వడం ఖాయమనిపిస్తోంది. ఈ సినిమాలో విజయ్ ‘రణబాలి’గా, రష్మిక ‘జయమ్మ’ పాత్రలో అలరించనున్నారు. ఈ చిత్రం సెప్టెంబర్ 11న ప్రపంచవ్యాప్తంగా విడుదల కానుంది.
విరాట్ కోహ్లీ రికార్డు బ్రేక్!
గత వారం రోజులుగా విజయ్-రష్మికల పెళ్లి వార్త నెట్టింట ట్రెండ్ అవుతూనే ఉంది. అభిమానుల సుదీర్ఘ నిరీక్షణకు తెరదించుతూ విడుదలైన వీరి పెళ్లి ఫోటోలు ఇన్స్టాగ్రామ్లో సరికొత్త చరిత్రను సృష్టించాయి.
-
అత్యధిక లైక్స్: రష్మిక షేర్ చేసిన పెళ్లి ఫోటోలకు ఏకంగా 23 మిలియన్లకు పైగా లైక్స్ వచ్చాయి.
-
రికార్డు: భారత్లో ఇప్పటివరకూ టీ20 వరల్డ్ కప్ గెలిచినప్పుడు విరాట్ కోహ్లీ షేర్ చేసిన పోస్ట్ (22.9 మిలియన్ లైక్స్) పేరిట ఉన్న రికార్డును ఈ ‘విరాష్’ (ViRash) జోడీ అధిగమించింది.
-
ఐపీఎల్ విజయం తర్వాత కోహ్లీ పెట్టిన పోస్ట్ (19.8 మిలియన్ లైక్స్) రికార్డును కూడా ఈ జంట సునాయాసంగా దాటేసింది.
ముచ్చటగా మూడోసారి..
‘గీత గోవిందం’తో బ్లాక్ బస్టర్ హిట్ అందుకున్న ఈ జంట, ఆ తర్వాత ‘డియర్ కామ్రేడ్’తో యూత్కు బాగా కనెక్ట్ అయ్యారు. ఇప్పుడు నిజ జీవితంలోనూ ఒక్కటైన తర్వాత.. వెండితెరపై మూడోసారి ‘రణబాలి’తో రానుండటంతో ప్రేక్షకుల అంచనాలు రెట్టింపయ్యాయి.
Follow Links
- Join Whats App Channel: Click Here
- Youtube Channel: Click Here
- Horror Stories: Click Here
- Entertainment: Click Here
