Post Office Schemes
భారత ప్రభుత్వం అందిస్తున్న పబ్లిక్ ప్రావిడెంట్ ఫండ్ (PPF) అనేది అత్యంత నమ్మకమైన పెట్టుబడి పథకం. ఇది తక్కువ మొత్తాలతో ప్రారంభించి పొదుపు చేస్తూ వస్తే అది కొంతకాలం తర్వాత పెద్ద మొత్తాన్ని సంపాదించడానికి అవకాశం ఇస్తుంది. ఈ పథకం ద్వారా మీరు లక్షల రూపాయలను సొంతం చేసుకోవచ్చు కూడా. అంతే కాకుండా ఈ పథకంలో పెట్టుబడి పెట్టిన పెట్టుబడిదారులకు పన్ను మినహాయింపుతో కూడిన ప్రయోజనాలను కూడా అందిస్తుంది. రిటైర్మెంట్ ప్లానింగ్ లేదా భవిష్యత్తులో స్థిరమైన ఆదాయం కోసం చాఈ పథకాన్ని చాల మంది ఎంపిక చేసుకుంటున్నారు. భారతదేశంలో పబ్లిక్ ప్రావిడెంట్ ఫండ్ పథకం పోస్ట్ ఆఫీస్ ద్వారా నడుస్తుంది. ఈ పథకం చాలా సంవత్సరాలుగా ప్రజలకు అందుబాటులో ఉంది, దీర్ఘకాలిక పెట్టుబడి కోసం ప్రసిద్ధి చెందింది కూడా.
PPF ద్వారా, చిన్న మొత్తాలను క్రమం తప్పకుండా పెట్టుబడి చేయడం ద్వారా, ప్రతీ ఏడాది వడ్డీతోపాటు అసలు కూడా పెరుగుతుంది. అందులోను ఈ పథకం ద్వారా పన్ను మినహాయింపు పొందే అవకాశం ఉండటం వలన, డబ్బు పొదుపు చేసుకోవడం మాత్రమే కాక, పన్ను తగ్గించుకోవడం కూడా ఈ పథకం కింద సాధ్యం అవుతుంది.ఈ విధానం ద్వారా మీరు మొదట 15 సంవత్సరాల పాటు పెట్టుబడి పెట్టి, ఆ తర్వాత రెండు విడతలుగా 5 సంవత్సరాలు పొడిగించవచ్చు. ఇలా చేస్తే, మొత్తం 25 సంవత్సరాలలో సుమారు ₹1.03 కోట్ల కార్పస్ ఏర్పడుతుంది.
- ముందుగా 15 సంవత్సరాలు ప్రతి సంవత్సరం ₹1.5 లక్షలు డిపాజిట్ చేస్తే, మొత్తం పెట్టుబడి ₹22.5 లక్షలు అవుతుంది.
- వడ్డీతో పాటు, 15 సంవత్సరాల తర్వాత మొత్తం కార్పస్ ₹40.68 లక్షలకు పెరుగుతుంది, అంటే ₹18.18 లక్షల వడ్డీ వస్తుంది.
- ఆ తర్వాత ఈ మొత్తాన్ని 5 సంవత్సరాలు కొత్త పెట్టుబడులు లేకుండా వదిలిస్తే, 20 సంవత్సరాల తర్వాత మొత్తం ₹57.32 లక్షలు అవుతుంది.
- ఇందులో ₹16.64 లక్షలు వడ్డీ ద్వారా వచ్చాయి. మరి 5 సంవత్సరాల పాటు అదే విధంగా ఉంచితే, మొత్తం ₹80.77 లక్షలు అవుతుంది, ఇందులో ₹23.45 లక్షలు వడ్డీ ద్వారా సంపాదించబడతాయి.
- చివరగా, మరో 10 సంవత్సరాల పాటు ప్రతి సంవత్సరం ₹1.5 లక్షలు జోడిస్తే, మొత్తం మొత్తం ₹1.03 కోట్లకు చేరుతుంది.
- ప్రస్తుతం PPFలో వార్షిక వడ్డీ రేటు 7.1%. ఇది ప్రభుత్వ నిర్ణయ ప్రకారం స్థిరంగా ఉంటుంది, కాబట్టి మార్కెట్ అస్తిరతలకు లోనవదు.
- వడ్డీ కూడా కాంపౌండ్ అయ్యే విధంగా లెక్కించబడుతుంది, అందువలన ప్రతీ సంవత్సరం వడ్డీ మీద వడ్డీ వస్తుంది.
- అదనంగా, PPFలో పెట్టుబడి చేయడం ద్వారా ఆదాయపు పన్ను చట్టం 80C ప్రకారం రూ. 1.5 లక్షల వరకు పన్ను మినహాయింపు పొందవచ్చు.
- మీరు పొదుపు చేస్తూనే పన్ను భారాన్ని కూడా తగ్గించుకోవచ్చు.25 సంవత్సరాల తరువాత, మీరు PPF ఖాతాలో ₹1.03 కోట్లను ఉంచినట్లయితే, ఇది వార్షికంగా 7.1% వడ్డీని సంపాదిస్తుంది.
- సుమారు ₹7.31 లక్షలు సంవత్సరానికి పొందగలుగుతారు, ఇది నెలకు సుమారు ₹60,941కి సమానమవుతుంది.
- ముఖ్యంగా, ఈ మొత్తం మొత్తపు డబ్బు నిల్వలో ఉంటుంది, మీరు పెట్టుబడిని డబ్బుగా కోల్పోరు, కానీ వడ్డీ ద్వారా ప్రతీ నెలా స్థిరమైన ఆదాయాన్ని పొందుతారు.
- ఈ పథకంలో ఎవరైనా వ్యక్తిగత ఖాతాను తెరవవచ్చు. మైనర్ (అప్రాప్త వయస్కులు) కూడా తల్లిదండ్రుల సహాయంతో ఖాతాను తెరవవచ్చు.
- కనీస డిపాజిట్ చాలా తక్కువగా ఉండటం వల్ల, చిన్న మొత్తాలతో కూడా ప్రారంభించవచ్చు.
- కానీ, జాయింట్ ఖాతాకు అనుమతి లేదు; ప్రతి వ్యక్తికి ఒకే ఒక్క ఖాతా మాత్రమే ఉండవచ్చు.
- PPF ఒక భద్రమైన, పన్ను మినహాయింపులు కలిగిన, దీర్ఘకాలిక పెట్టుబడి పథకం.
సరైన వ్యూహంతో, క్రమంగా డిపాజిట్ చేస్తూ, మీరు రిటైర్మెంట్ సమయానికి లక్షల రూపాయలను సొంతం చేసుకోవచ్చు. అదనంగా, రిటైర్మెంట్ తర్వాత ప్రతి నెలా స్థిరమైన ఆదాయం కూడా పొందవచ్చు. ఈ విధంగా, PPF పొదుపుదారులకు భద్రతతో పాటు దీర్ఘకాలిక లాభాలను అందిస్తుంది.
