Constable arrest with drugs case Telangana:పోలీస్ కానిస్టేబుల్ ఇంట్లో గంజాయి?
హన్మకొండ జిల్లా: నవంబర్ 30
మత్తు పదార్థాల వాడకాన్ని అరికట్టే బాధ్యత నిర్వహిస్తున్న ఓ కానిస్టేబుల్ డబ్బు కోసం అక్రమ మార్గం పట్టాడు. ఓ రెయిడ్ లో దొరికిన గంజాయిని సీజ్ చేసి ఠాణాలో పెట్టగా.. సదరు కానిస్టేబుల్ గుట్టు చప్పుడు కాకుండా దశల వారీగా కాజేస్తూ వచ్చాడు.
కాజీపేట పోలీస్ డివిజన్ కరీంనగర్ రోడ్ లోని పోలీస్ స్టేషన్లో ఈ ఘటన చోటు చేసుకుంది ఉన్నతాధి కారులు వెల్లడించిన వివరాల ప్రకారం…నర్సంపేట పోలీస్ స్టేషన్లో విధులు నిర్వహిస్తున్న కానిస్టేబుల్ గతంలో ఓ రెయిడ్ లో పెద్ద మొత్తంలో పట్టుబడ్డ గంజాయిని అధికారులు ఇదే ఠాణాలో సీజ్ చేసి పెట్టారు. దీనిపై కన్నేసిన సదరు కానిస్టే బుల్.. దశల వారీగా గంజాయిని ఇంటికి తీసుకెళ్లాడు.తన స్నేహితులు, బంధువులకు ఇచ్చి అమ్మించాడు. ఈ క్రమంలో నర్సంపేట నుంచి వరంగల్ వచ్చే మార్గంలో వాహనాల తనిఖీ చేపట్టగా ఓ బైక్ పై వచ్చిన యువకులు పారిపోయే ప్రయత్నం చేశారు. వెంబడించి పట్టుకున్న పోలీసులు వారిని సోదా చేయగా గంజాయి లభ్యమైంది.
ఆ తర్వాత విచారణలో కానిస్టేబుల్ పేరు బయటకు వచ్చింది. దీంతో ఉన్నతా ధికారులకు సమాచారం అందించి సదరు కానిస్టే బుల్ ఇంట్లో సోదాలు నిర్వహించగా స్టేషన్లో దొంగలించిన గంజాయి దొరికింది.ప్రస్తుతం కానిస్టేబుల్ ను అదుపులోకి తీసుకుని విచారిస్తున్నట్లు పోలీస్ ఉన్నతా ధికారులు తెలిపారు.
