vijay-deverakonda-ranabali-leak-video-hype-2026
‘ఇప్పటి వరకు ఒక లెక్క… ఇప్పటి నుంచి మరో లెక్క’ అన్నట్లుగా హీరో విజయ్ దేవరకొండ తన కెరీర్లో కొత్త దారిని ఎంచుకుంటున్నారు. ఆయన ప్రస్తుతం చేస్తున్న సినిమాలు తన పాత ఇమేజ్కు భిన్నంగా, మరింత పవర్ఫుల్ కంటెంట్తో తెరకెక్కుతున్నాయి. ప్రస్తుతం ఆయన నటిస్తున్న ‘రణబాలి’, ‘రౌడీ జనార్ధన్’ సినిమాలు కూడా వేర్వేరు జానర్లలో రూపొందుతున్నాయి. ఒకటి ఫ్యాక్షన్ బ్యాక్డ్రాప్ కాగా, మరొకటి పీరియాడిక్ యాక్షన్ డ్రామాగా వస్తోంది.
ఇందులో ముఖ్యంగా ‘రణబాలి’పై ప్రేక్షకుల్లో భారీ అంచనాలు నెలకొన్నాయి. ఈ సినిమాను దర్శకుడు రాహుల్ సాంకృత్యాన్ తెరకెక్కిస్తున్నారు. ఇప్పటివరకు ఆయన తీసిన సినిమాలు తక్కువే అయినప్పటికీ, వాటి కంటెంట్ వైవిధ్యం ప్రేక్షకులను ఆకట్టుకుంది. ఇప్పుడు గ్రామీణ నేపథ్యంతో భారీ కథను తెరపైకి తీసుకువస్తుండటంతో ఈ ప్రాజెక్ట్పై ఆసక్తి మరింత పెరిగింది.
ఇప్పటికే విడుదలైన గ్లింప్స్, పాటలు ప్రేక్షకుల్లో మంచి స్పందన తెచ్చుకున్నాయి. తాజాగా ఈ సినిమా షూటింగ్కు సంబంధించిన ఓ వీడియో లీక్ కావడంతో సోషల్ మీడియాలో హల్చల్ సృష్టిస్తోంది. ఆ వీడియోలో విజయ్ దేవరకొండ గుర్రంపై దూసుకొస్తూ, చేతిలో కత్తితో శత్రువులను ఛేజ్ చేసే సీన్ కనిపిస్తోంది. ఆయన చెప్పే పవర్ఫుల్ డైలాగ్ ప్రేక్షకులకు గూస్బంప్స్ తెప్పిస్తోంది. ఈ లీక్తో సినిమాపై ఉన్న అంచనాలు మరింతగా పెరిగాయి.
‘రణబాలి’ సినిమా 1854 నుంచి 1878 మధ్య బ్రిటిష్ పాలన కాలంలో జరిగిన చారిత్రక సంఘటనల ఆధారంగా రూపొందుతోంది. ఆ కాలంలోని సామాజిక పరిస్థితులు, స్వాభిమాన పోరాటాలు, భావోద్వేగాలను ప్రతిబింబించేలా కథనం ఉండనుందని సమాచారం.
ఈ చిత్రంలో విజయ్ దేవరకొండ ధైర్యవంతుడైన యోధుడు ‘రణబాలి’ పాత్రలో కనిపించనున్నారు. హీరోయిన్గా రష్మిక మందన్న ‘జయమ్మ’ పాత్రలో నటిస్తున్నారు. ‘గీత గోవిందం’, ‘డియర్ కామ్రేడ్’ తర్వాత ఈ జంట మళ్లీ కలిసి నటించడం కూడా సినిమాపై ప్రత్యేక ఆకర్షణగా మారింది.
మైత్రీ మూవీ మేకర్స్, టీ-సిరీస్ సంస్థలు కలిసి ఈ సినిమాను భారీ బడ్జెట్తో నిర్మిస్తున్నాయి. అంతేకాకుండా, హాలీవుడ్ నటుడు ఆర్నాల్డ్ వోస్లూ ఈ సినిమాలో ప్రధాన ప్రతినాయకుడిగా నటిస్తున్నారని సమాచారం. ఆయన పాత్ర కథకు అంతర్జాతీయ స్థాయిలో ఆకర్షణను తీసుకురానుంది.
‘రణబాలి’ చిత్రం 2026 సెప్టెంబర్ 11న ప్రపంచవ్యాప్తంగా విడుదలకు సిద్ధమవుతోంది. ఇది కేవలం కమర్షియల్ ఎంటర్టైనర్ మాత్రమే కాకుండా, చరిత్రలో గుర్తింపు పొందని పోరాట యోధులకు అంకితంగా ఉండే భావోద్వేగ కథగా నిలిచే అవకాశం ఉంది.
- Join Whats App Channel: Click Here
- Youtube Channel: Click Here
- Horror Stories: Click Here
- Entertainment: Click Here
