Get Birth Cerficate in Essay Way in Telangana
శిశువు జన్మించినప్పుడు ప్రభుత్వం జారీ చేసే మొదటి ధ్రువీకరణ పత్రం బర్త్ సర్టిఫికెట్ ..ఆధార్, పాన్ కార్డు, కుల ధ్రువీకరణ పత్రం మాదిరిగానే..విద్యా సంస్థల్లో ప్రవేశం, ఆధార్ దరఖాస్తు,ఓటరు నమోదు, డ్రైవింగ్‌ లైసెన్స్‌ జారీ, వివాహాల రిజిస్ట్రేషన్, కేంద్ర/ రాష్ట్ర ప్రభుత్వ/ స్థానిక ప్రభుత్వాల ఉద్యోగ నియామకాలకు, కొన్ని ప్రభుత్వ పథకాల ప్రయోజనాలు పొందాలంటే జనన ధ్రువీకరణ పత్రం తప్పనిసరి.
జనన మరణాల చట్టం 1969 ప్రకారం రాష్ట్ర ప్రభుత్వం శిశువు పుట్టిన 21 రోజుల్లోపు బిడ్డ జననాన్ని నమోదు చేయడం తప్పనిసరి చేసింది. తెలంగాణలో జనన నమోదు కోసం జీహెచ్ఎంసీ కమిషనర్, రాష్ట్ర ప్రభుత్వ మున్సిపల్ అడ్మినిస్ట్రేషన్ డైరెక్టర్లు సంబంధిత అధికారులుగా ఉంటారు.
ఎవరెవరు ఇంచార్జిలు
- హాస్పిటల్లో ప్రసవం జరిగితే మెడికల్ ఇన్ఛార్జ్ శిశువు జననాన్ని నమోదు చేయాల్సి ఉంటుంది.
- ప్రసూతి గృహం, నర్సింగ్ ఇన్‌స్టిట్యూట్‌లో జననం జరిగితే వైద్యాధికారి జననాన్ని నమోదు చేయడానికి అర్హులుగా ఉంటారు.
- గ్రామీణ ప్రాంతాల్లో జరిగే జననాన్ని నమోదు చేయడానికి ఇన్ఛార్జ్ పోలీసులు, గ్రామ పెద్దలు అర్హులుగా ఉంటారు.
- ఇంట్లో ప్రసవం జరిగితే ఇంటి పెద్దలు బిడ్డ జననాన్ని నమోదు చేయాలి.
- ఒకవేళ మహిళ ఏదైనా కారణం చేత జైలులో ఉన్నప్పుడు డెలివరీ జరిగితే ఆ టైమ్లో జైలుకు ఇన్ఛార్జ్గా ఉన్న అధికారి శిశువు జననాన్ని నమోదు చేసుకోవాలి.
అవసరమైన ధ్రువపత్రాలు :
- పేరెంట్స్ ఐడెంటిటీ ప్రూఫ్తల్లిదండ్రుల జనన ధ్రువీకరణ పత్రం లేదా పదో తరగతి మెమోతల్లిదండ్రుల
- వివాహ ధ్రువీకరణ పత్రం ఆసుపత్రి లేదా వైద్య సంస్థచే జారీ అయిన పిల్లల జనన రుజువుబర్త్ సర్టిఫికెట్కు
దరఖాస్తు
- ఇందుకోసం ముందుగా యూనిఫైడ్ బర్త్ అండ్ డెత్ రిజిస్ట్రేషన్ మేనేజ్‌మెంట్ ఇన్ఫర్మేషన్ సిస్టమ్ (UBDMIS) అధికారిక సైట్‌ను సందర్శించాలి.
- తర్వాత హోమ్ పేజీలో సిటిజన్ సెక్షన్ అనే ఆప్షన్ కనిపిస్తుంది.
- అప్పుడు దాని కింద కనిపించే సెర్చ్ బర్త్ డీటెయిల్స్ అనే ఆప్షన్పై క్లిక్ చేస్త్ మరో పేజీ మీకు ఓపెన్ అవుతుంది.
- అప్పుడు న్యూ పేజీలో డ్రాప్-డౌన్ మెను నుంచి రిజిస్ట్రేషన్ యూనిట్‌ని సెలెక్ట్ చేసుకోవాలి.
- ఆ తర్వాత అక్కడ కనిపించే జనన సంబంధిత వివరాలను నమోదు చేయాల్సి ఉంటుంది.
- అప్పుడు అన్ని తప్పనిసరి వివరాలను అందించిన తర్వాత “Submit” అనే ఆప్షన్పై నొక్కాలి.
- తర్వాత సంబంధిత అధికారుల వెరిఫికేషన్ అనంతరం బర్త్ సర్టిఫికెట్ జారీ చేయడం జరుగుతుంది.
అయితే, ఇక్కడ గుర్తుంచుకోవాల్సిన విషయమేమిటంటే జనన రికార్డులలో జనన వివరాలన్నీ అందుబాటులో ఉంటేనే దరఖాస్తుదారు బర్త్ సర్టిఫికెట్ కోసం అప్లై చేసుకోవడానికి అర్హులు.అదే.. జనన సంబంధిత వివరాలు లేకపోతే మీరు సమీపంలోని కమిషన్ ఎండ్ డైరెక్టర్ ఆఫ్ మున్సిపల్ అడ్మినిస్ట్రేషన్(C&DMP) లేదా పంచాయతీని సంప్రదించి అధికారుల సూచనలతో మీరు బర్త్ సర్టిఫికెట్ పొందవచ్చు!
