Indiramma Indlu Scheme attachment of mgnrega
ఇందిరమ్మ ఇళ్ల పథకాన్ని తెలంగాణ ప్రభుత్వం ఇప్పటికే విడుదల చేసింది. తొలి విడతలో భాగంగా ప్రతి నియోజకవర్గంలో 3,500 ఇళ్లను మంజూరు చేసింది. ఇంటి నిర్మాణం కోసం రూ.5 లక్షల ఆర్థిక సాయం అందిస్తోన్న సంగతి తెలిసిందే.
నిర్మాణ ఖర్చులు పెరిగిపోవడంతో.. లబ్ధిదారులకు తమ వంతు సాయం చేసేందుకు నిర్మాణ పనుల కోసం ఎన్నో నిర్ణయాలు తీసుకుంటుంది.దీనిలో భాగంగా తక్కువ ధరకే ఇసుక సరఫరా చేయడం, లోన్లు ఇప్పించడం వంటి పనులు చేస్తూ లబ్ధిదారులపై ఆర్థిక భారం తగ్గించేందుకు సర్కార్ కృషి చేస్తోంది. ఈ క్రమంలో తాజాగా ఇందిరమ్మ ఇళ్లకు సంబంధించి రాష్ట్ర ప్రభుత్వం మరో కీలక నిర్ణయం తీసుకుంది.
ఇందిరమ్మ ఇళ్ల నిర్మాణానికి జాతీయ ఉపాధి హామీ పథకాన్ని అనుసంధానం చేస్తూ ఉత్తర్వులు జారీ చేసింది. ఇందిరమ్మ ఇళ్ల నిర్మాణాలను త్వరగా పూర్తి చేయడం లబ్ధిదారులకు ఆర్థిక ఇబ్బందులు తొలగించండం, వంటి పనుల కోసం రాష్ట్ర ప్రభుత్వం వినూత్న నిర్ణయం తీసుకుంది. ఇందిరమ్మ ఇళ్ల నిర్మాణానికి జాతీయ ఉపాధి హామీ పథకాన్ని అనుసంధానిస్తూ ప్రభుత్వం తాజాగా ఉత్తర్వులు జారీ చేసింది.
ఇది ఉపాధి హామీ జాబ్ కార్డ్ ఉండి ఇందిరమ్మ ఇళ్లు పొందిన వారికి ఇది నిజంగా శుభవార్తే అనే చెప్పవచ్చు. ఇంటి నిర్మాణ పనులను ఉపాధి హామీకి అనుసంధానం చేయడం ద్వారా మూడు నెలల పాటు అనగా 90 రోజులు పని దినాలను కల్పించనున్నారు. ఇందిరమ్మ ఇళ్లు పొందిన జాబ్ కార్డ్ ఉన్న తమ ఇంటి నిర్మాణ పనులు చేసుకున్న రోజులకు నగదు చెల్లించనున్నారు.
దీని వల్ల ఇంటి నిర్మాణం త్వరగా పూర్తి కావడమే కాకుండా వారికి కూడా ఆర్థికంగా మేలు కలగనుంది. జాబ్ కార్డ్ ఉండి ఇళ్లు వచ్చిన వారు మాత్రమే కాక మిగతా ఉపాధి హామీ కూలీలు కూడా ఈ నిర్మాణ పనుల్లో పాలుపంచుకోవచ్చు. దీని వల్ల ఇళ్లు పొందిన లబ్దిదారులు మాత్రమే కాక ఉపాధి హామీ కూలీలకు కూడా మేలు కగనుంది.మొత్తం 90 రోజులు పని దినాలు..
దీనిలో భాగంగా ముందుగా అధికారులు ఇందిరమ్మ ఇళ్లు పొందిన లబ్ధిదారుల్లో ఉపాధి హామీ జాబ్ కార్డు ఉన్న వారిని గుర్తిస్తారు. వారి జాబితాను తయారు చేసి. దాన్ని జిల్లా గ్రామీణాభివృద్ధి సంస్థ (డీఆర్డీఏ) అధికారులకు పంపిస్తారు. వారు ఈ జాబితాలోని లబ్దిదారులకు ఇంటి నిర్మాణం కోసం ఉపాధి హామీ పథకాన్ని వర్తింపజేస్తూ పని దినాలు కల్పించనున్నారు. దీని ద్వారా ఒక్కో లబ్దిదారుడికి బేస్మెంట్ వరకు 40 రోజులు.. పైకప్పు వరకు 50 పని దినాలు మొత్తం 30 రోజుల పాటు పని క`ల్పించనున్నారు.
