Telanagan RTC Giving Free bus Smart Cards 2025
తెలంగాణ ఆర్టీసీ మహిళలకు కొత్త విధానాన్ని అమలు చేయబోతున్నా రాష్ట్ర ప్రభుత్వం.పరీశీలనలో ఉన్న కొత్త విధానం
మహిళకు ఉచిత ప్రయాణం పథకానికి ఆదరణ పెరుగుతోంది. ఆర్టీసీ బస్సులు మొత్తం మహిళలతో కిక్కిరిసి పోతున్నాయి. అలాగే విద్యార్థులు, ఉద్యోగులు సైతం ఆర్టీసీ బస్సుల్లో ప్రయాణిస్తున్నారు.
వీరికి ప్రభుత్వం నిర్దారించిన గుర్తింపు కార్డులతో ఉచిత ప్రయాణానికి అనుమతిస్తున్నారు. అయితే, ఇక నుంచి ఉచిత ప్రయాణ లబ్దిదారులకు కొత్తగా ఐడీ కార్డులు ఇవ్వాలని ఆర్టీసీ నిర్ణయించింది. ఈ మేరకు కసరత్తు చేస్తోంది. వీటిని తీసుకురావటం ద్వారా ఇక ఆధార్ కార్డులతో అవసరం లేకుండా, ప్రభుత్వం జారీ చేసే వాటినే ప్రామాణికంగా తీసుకోనున్నారు.
తెలంగాణ రాష్ట్ర ప్రభుత్వం తాజాగా ఆర్టీసీపై మరో నిర్ణయం తీసుకుంది. కొత్తగా స్మార్ట్ కార్డులను వినియోగం లోకి తీసుకురావాలని డిసైడ్ అయింది.దీనిలో భాగంగా తొలి దశలో విద్యార్థుల బస్ పాసులను స్మార్ట్ కార్డుల రూపంలోకి మార్చనున్నట్లు తెలిపింది. ఇప్పటికే ఈ పక్క రాష్ట్రాల్లో అమల్లో ఉన్న స్మార్ట్ కార్డుల విధానాన్ని అధికారులు పరీశీలన చేస్తున్నారు. ప్రయాణీకుల పూర్తి సమాచారంతో ఈ కార్డులను తయారు చేయనున్నారు.
విద్యార్థులకు కార్డులను అందించిన తరువాత మహాలక్ష్మి పథకం కింద ఉచితంగా ప్రయాణిస్తున్న మహిళలకు ఈ స్మార్ట్కార్డులను జారీ చేయనుంది. రాష్ట్రంలో విద్యార్థులకు అందించే బస్పాస్ ల సంఖ్య ఐదు లక్షలకు పైగా ఉంది. ప్రస్తుతం ఈ బస్ పాస్ లకు సంబంధిత పాస్ కౌంటర్లకు వెళ్లి రెన్యువల్ చేసుకోవాల్సి ఉంటుంది.
ఇందు కోసం దేశంలోని వివిధ ప్రధాన నగరాల్లో అమలవుతున్న స్మార్ట్ కార్డుల వ్యవస్థ తీరు తెన్నులను ఆర్టీసీ సంస్థ ఉన్నతాధికారులు పరిశీలిస్తున్నారు. ఈ విధానాన్ని జంట నగరాల్లో ప్రవేశ పెడితే.. ఎదురయ్యే సవాళ్లను వారు అంచనా వేస్తున్నారు. స్మార్ట్ కార్డు విధానం అందుబాటులోకి వస్తే ఆధార్, ఇతర చిరునామా ధృవీకరణ కార్డుల అవసరం ప్రయాణికులకు ఉండదు. వీటిని డిజిటల్ పద్దతి ద్వారా రెన్యువల్ చేసుకోనే అవకాశం ఉంది.
మొబైల్ రీఛార్జీ చేసుకున్నంత సులువుగా స్మార్ట్ కార్డు బస్ పాస్ను రెన్యువల్చేసుకునే అవకాశం ఉందని అర్టీసీ అధికారులు చెబుతున్నారు. ప్రస్తుతం బెంగళూరు, ముంబయి, లక్నో నగరాల్లోని బస్సుల్లో స్మార్ట్కార్డు విధానాల్లో ఎలాంటి ఫీచర్లు అమలు చేస్తున్నారనే అంశం పైన అధికారులు అధ్యయనం చేస్తున్నారు. ఈ కార్డులు అందుబాటులోకి తెస్తే.. ఇక ఉచిత ప్రయాణానికి ఆధార్ అవసరం ఉండదని అధికారులు చెబుతున్నారు.
